Prokuroria e krimeve të rënda nis hetimin pasuror për gjyqtarin e arrestur për korrupsion Shkëlqim Miri.<br />Burime nga akuza bënë me dije se është kërkuar zyrtarisht infomacion nga të gjitha bankat e nivelit të dytë dhe zyrat e regjistrimit të pasurive të paluajtshme informacion në lidhje me llgoaritë bankare dhe pronat që rezultojnë në emër të gjyqtarit apo familjarëve të tij.<br /><br />Hetimet kanë nisur nga akuza pas procedimit dhe arrestimit të gjyqtarit Shkëlqim Miri për veprën penale të korrupsionit dhe mitmarrjes në shumën e 30 mijë eurove për një vendim gjyqësor.<br /><br />Rezulton se Miri ka qenë pjesë e treshes gjykuese e cila la në fuqi një vendim të gjykatës së Matit e cila kishte ndryshuar akuzën për shtetasin Gentian Doda nga vrasje në plagosje me pasojë vdekjen.<br /><br />Për këtë procedim gjyqtari u prangos më datë 10 nëntor 2017 dhe për të krimet e rënda caktuan masën e sigurisë arrest me burg.<br /><br />Pas vendimit të gjykatës së krimeve gjyqtari Miri u pezullua nga detyra si gjykatës me vendim të këshillit të lartë të drejtësisë.<br /><br />ReportTv ka mësuar se një ditë më parë gjyqtari Miri ka apeluar masën e arrestit dhënë nga Krimet e Rënda dhe kjo kërkesë është depozituar në apel.
