Një ditë pas grabitjes në fshatin Shkallnur të Durrësit, ku një çift të moshuarish u lidhën e u rrahën barbarisht, Shahe Elezi rrëfen për Tv Klan tmerrin që përjetoi.<br /><br />"Në orën 12 - 12 e gjysmë, ndjemë zhurmë. Dolëm! Një ishte jashtë, dy ishin brenda.. dy hajdutë të maskuar. Na kapën të dy burrë e grua, na kapën kështu (nga goja dhe koka nga prapa), edhe burrin edhe mua. E shtrinë në tokë burrin e qëlluan".<br /><br />Pasi i goditën me leva në kokë dhe me sende të forta, autorët u morën 1 milionë lekë të vjetra.<br /><br />"Na lidhën këtu edhe me ngjitës, ndërsa me atë të tullave na lidhën nga krahët. I thamë, ja ku e ke shtëpinë, la le të qetë, kontrollo dhe merr ça të gjesh. Leva e hekurit gati, mos fol se të vramë. Kanë gjetur një milion lekë, i kanë marrë ato, ikën aq kishim në shtëpi ne".<br /><br />I shoqi, Maliq Elezi ndodhet në Spitalin e Traumës në rrezik për jetën pasi ka një plagë trompoze në kokë.<br /><br />Dy djemtë, Ndriçimi dhe Afrimi të sapo mbërritur nga Italia, dyshojnë se grabitësit mund të jenë njerëz që kanë hyrë e kanë dalë në shtëpi.<br />"Gjatë kësaj kohe pati një problem me linjën e internetit".<br /><br />"Shtëpia është sikur ka rënë bomba. Nga shkallët poshtë që hymë deri lart është gjak".<br /><br />Ngjarja ndodhi mëngjesin e së hënës në fshatin Shkallnur, ku tre persona sulmuan banesën e familjes Elezi. Autorët grabitën 100 mijë lekë dhe rrahën barbarisht çiftin e të moshuarve, të cilët jetonin të vetëm në banesë.
