Zbatimi reformës në drejtësi has në të tjera pengesa. Mos ngritja në kohë e institucioneve të reja, me efekt zinxhir kanë bllokuar njëra-tjetrën. Ngërçi i radhës është Këshilli i Emërimeve në Drejtësi.<br />Për këtë këshill, i cili rinovohet çdo vit, jo më vonë se data 15 nëntor e çdo viti kalendarik, Gjykata Kushtetuese, Këshilli i Lartë Gjyqësor dhe Këshilli i Lartë i Prokurorisë i paraqesin Presidentit të Republikës listën e kandidatëve që plotësojnë kushtet.<br /><br />Më pas Presidenti i Republikës, në prani të Avokatit të Popullit, përzgjedh anëtarët e Këshillit me short midis datës 1 dhe 5 dhjetor të çdo viti kalendarik. Në kushtet kur KLGJ dhe KLP nuk janë ngritur, Presidenti i Republikës, i gjetur në vakuum ligjor ka zhvilluar një konsultim me misionin Euralius.<br /><br />Burime të Report TV saktësojnë se në këtë takim, Euralius ka sugjeruar që në kushtet ku nuk ka një zgjidhje korrekte ligjore, me vullnet politik, kandidaturat të merren nga KLD-ja dhe Këshilli i Prokurorisë ekzistues.<br /><br />I vendosur në këto kushte të paqarta ligjore, Report TV mëson se presidenti Meta i ka dërguar një letër Kuvendit, ku i kërkon që të interpretojë këtë ngërç dhe të gjejë mekanizmat zhbllokues, si i vetmi institucion që ka detyrë të bërë interpretim autentik të ligjit.
