Ditën e sotme, Presidenca organizoi një aktivitet në kuadër të ?Javës së Fëmijëve?.<br />I pranishëm në aktivitet, Presidenti Ilir Meta, theksoi se fëmijët jetim janë shtresa më e brishtë e shoqërisë sonë. Sipas tij institucionet dhe shoqëria duhet të bëjnë më shumë për ti siguruar atyre mbrojtje dhe një jetë më të sigurt.<br /><br />Për ti ndihmuar ata pikë së pari tha Meta duhet ti japim fund korrupsionit, trafikut të drogës e të ndalojmë punën e detyruar të tyre.<br /><br />Më tej Meta theksoi se prioritet do të jetë arsimimi i fëmijëve jetimë, si një nevojë e tyre për të qenë të përgatitur për jetën që i pret. Por, sipas presidentit, një tjetër plagë e Shqipërisë është edhe emigrimi, nga i cili prodhohen edhe fëmijë jetimë dhe ftohje të marrëdhënies prind-fëmijë.<br /><br />Fjala e Presidentit Meta:<br /><br />?Plot një shekull më parë hapi dyert ?Streha Vorfnore?. 100 vjet më parë ishin 2 fëmijë të braktisur që do trokisnin në prefekturën e Tiranës për ushqim dhe strehim. Fati i tyre do të çelte strehën e parë vorfnore në Tiranën e përzhitur nga lufta.<br /><br />Ky akt shërbeu për ngjarjen e vlerave humane të shqiptarëve më pas. Shqiptarët kanë treguar që janë popull me shpirt të madh. Solidariteti i jashtëzakonshëm me hebrenjtë në periudhën e errët të historisë së tyre, mikpritja e kosovarëve, dëshmojnë se populli shqiptarë ka potenciale të pashtershme dashurie.<br /><br />Por, shqiptarët më së shumti kanë nevojë për drejtësi. Këto ditë po përjetojmë ditën e fëmijëve jetim. Fëmijët jetim janë kategoria më e ndjeshme. Përballë varfërisë, shteti dhe Shqipëria duhet të bëjë përpjekje më të mëdha.<br /><br />Problemet ekonomike dhe papunësia, grindjet dhe dhuna provokojnë ?do ditë divorce. Janë fëmijët ata që bëhen viktimat e para të divorceve.<br /><br />Prandaj sa më shumë të kujdesemi për familjen aq më shuam do të rrisim fëmijë të shëndetshëm. Ruajtja e familjes kërkon marrjen e masave.
