Vendosja e radarëve të padukshëm do të jetë mjeti më i ri që do të përdorë policia rrugore anembanë vendit për të gjobitur drejtuesit e mjeteve që tejkalojnë shpejtësinë.<br />Nuk do të jetë më e nevojshme prania fizike e policit rrugor, pasi radarët janë automatikë dhe pasi pikasin shkelësit i fotografojnë ata dhe më pas në bazë të identifikimit fotografik të targave, atyre iu dërgohet gjoba në shtëpi, në adresat përkatëse.<br /><br />Në një deklaratë për mediat gjatë ditës së sotme për të njoftuar mbi këtë nismë, drejtuesi i policisë rrugore Ervin Dervishi njoftoi për nismën më të re që do të ndërmarrë policia për të disiplinuar dhe vlerësuar drejtuesit më korrektë të automjeteve.<br /><br />Nisma ka të bëjë me ?lançimin e një llotarie për drejtuesit e mjeteve që respektojnë rregullat e qarkullimit rrugor. Do të përzgjedhim drejtuesin e mjetit model, që respekton rregullat e qarkullimit, duke ecur brenda kufijve të limiteve të shpejtësisë. Për drejtuesit që qarkullojnë brenda normave, do të përzgjidhen më korrektët dhe të premten do të zhvillojmë një shorte live në mjediset e policisë dhe bashkë me TAP dhe një kompani sigurimesh, do dhurohen 20 polica sigurimesh për një vit për ata që përzgjidhen,? ? tha Dervishi.
