Ish ? Drejtori i Policisë së Vlorës, Jaeld Çela, ish ? Shefi i Krimit të Organizuar në Vlorë, Gjergj Kohila dhe Shefi i Kufirit në Dhërmi, Sokol Bode, nuk janë gjetur në banesat e tyre.<br /><br />Policia ka kryer kontrolle në shtëpitë, vendet ku dyshohej se mund të strehoheshin, po pa rezultat. <br /><br />Nga kontrolli në banesa dhe ambiente janë sekuestruar prova materiale, të konstatuara si me vlerë për hetimet e mëtejshme dhe i janë dërguar zyrtarisht Prokurorisë për Krimet e Rënda, Tiranë. <br /><br />Ministria e Brendshme konfirmoi se ndaj tyre rëndojnë akuzat e kultivimit dhe trafikut të lëndëve narkotike në kuadër të grupit të strukturuar kriminal.<br /><br />Për Sokol Boden, ish - Shef i Postës Kufitare në Dhërmi është leshuar një urdhër-arresti me vendim të Gjykatës për Krimet e Rënda për arrest me burg në mungesë.<br /><br />Burime nga grupi hetimor konfirmojnë për Tv Klan se është lëshuar edhe një urdhër-ndalim tjetër për një ish-zyrtar policie, në një qytezë në jug të vendit.<br /><br />Sipas prokurorisë, këta persona kanë bashkëpunuar ngushtë me njëri ? tjetrin dhe me grupin e Habilajve, duke kultivuar dhjetra hektarë kanabis në zonës e Vlorës.<br /><br />Përfshirja e tyre në rrjetin e Habilajve daton që gjatë aksioni të Tetorit 2016, ku në fshatrat e Vezhdanishtit dhe Vlorës u shkatërrura sipërfaqje të mëdha të mbjella me kanabis.<br /><br />Arrestimi i ish-zyrtarëve u kërkua që në orën 10:30 të së mërkurës. Prokurroia dyshon se ka patur dekonspirim të operacionit dhe ka nisur një hetim.<br /><br />Për këtë arsye, Ministria e Brendshme njoftoi se Shefi i Shërbimit të Çështjeve të Brendshme dhe Ankesave, Eduard Merkaj, me kërkesë të tij, ka zhvilluar një takim me prokurorët e çështjes.<br /><br />Por burime nga Prokuroria e Krimeve të Rënda thonë se ka qenë grupi hetimor që e ka thirrur atë dhe i ka kërkuar sqarime mbi arsyet se përse nuk janë ekzekutuar arrestimet.<br /><br />Një hetim administrativ për këtë rast ka nisur dhe Drejtoria e Standardeve në Policinë e Shtetit.<br /><br />Nuk dihet nëse tre ish - zyrtarët e Policisë janë ende në Shqipëri apo janë larguar jashtë vendit në mënyrë të paligjshme. Në sistemin TIMS nuk figuron asnjë dalje e tyre.<br /><br />Tv Klan mëson se ata kanë qenë nën vezhgim prej disa javësh nga Prokuroria dhe Shërbimi Informativ Shtetëror. <br /><br />Tv Klan
