Lulzim Basha akuzoi Ministrinë e Brendshme se fshihet pas dekonspirimit të aksionit për arrestimin e tre ish -zyrtarëve të lartë të policisë në kuadër të hetimeve që Prokuroria e Krimeve të Rënda ka nisur për dosjen ?Habilaj?. Sipas kreut të demokratëve implikimi në trafikun e drogës i tre ish-krerëve të policisë është dëshmi e funksionimit të saj si organizatë kriminale.?Liria e Saimir Tahirit, dekonspirimi kriminal nga vetë Ministria e Brendshme i aksionit të djeshëm për arrestimin e kokave të policisë janë aktet dhe provat që konfirmojnë këtë fakt.?<br /><br />Kriminalizimi i policisë dhe aktiviteti i trafikimit të drogës tha Basha është bërë me bekimin e kryeministrit, të cilin e akuzoi se e ka thyer Shqipërinë në zonë të lirë për krimin.<br /><br />?Policia ka funksionuar si një organizatë kriminale e strukturuar. Krimi i organizuar është sot një kërcënim serioz ndaj sigurisë kombëtare të Shqipërisë, si dhe rrezikon të sjellë destabilizimin e thellë politik, shoqëror dhe ekonomik të vendit.?<br /><br />I pyetur në lidhje me emërimin e kryeprokurorit të ri me shumicë të thjeshtë nga parlamenti, Basha tha se opozita nuk do ta lejojë një vendimmarrje të tillë nga ana e maxhorancës.<br /><br />?Qëndrimet tona kanë qenë dhe janë të qarta, Prokurorin e Përgjithshëm nuk mund ta emërojë Edi Rama. Ky që ndërmori një sulm të tillë ndaj prokurorëve vetëm sepse kërkuan arrestimin e Saimir Tahirit, nuk mund të emërojë Prokurorin e Përgjithshëm. As deputetët e PS që e mbrojtën duke mos i hequr imunitetin nuk mund ta emërojnë Prokurorin e Përgjithshëm. Nuk mund ta emërojnë Prokurorin e Përgjithshëm miqtë e Saimir Tahirit, Vangjush Dakos, Qazim Sejdinit. Një Prokuror i emëruar nga këta njerëz do të thotë fund i hetimeve në rastin Tahiri, në rastin e Dakos dhe fushë e lirë për krimin. Ne nuk do ta lejojmë dhe nuk do ta pranojmë kurrë këtë. Për më shumë kjo bie në konflikt total me frymën e Kushtetutës dhe të Reformës në Drejtësi, për ta kuptuar absurditetin mjafton t?ju kujtoj se edhe vetë Saimiri ka të drejtë të votojë. Pra i bie që një Prokuror i Përgjithshëm të zgjidhet edhe me votën e Saimir Tahirit, dhe ky prokuror është ai që do të nxjerrë para drejtësisë Saimir Tahirin"<br /><br />Përmes kapjes së prokurorisë, sipas Bashës kryeministri po tenton të mbyllë hetimet për çështjen Tahiri dhe atë të kryebashkiakut të Durrësit. <br /><br />Tv Klan
