E para femër shkrimtare në historinë e Shqipërisë. Ndër të parat gra që kishin studiuar në Europë, por fundi i saj ishte ndër më tragjikët që mund të imagjinohej. Pas shumë viteve në burg, ajo vdiq nga kanceri në Rrëshen ku ishte e internuar, duke mos pasur të drejtë të kurohej.<br /><br />Në varrimin e saj nuk mori pjesë askush. Ajo u përcoll me karrocën e komunales nga dy punëtorët e varrezave. Vite më vonë, kur u zhvarros trupi i saj, u pa se duart i kishte të lidhura me tela me gjemba.<br /><br />Në 100-vjetorin e lindjes se saj, publikohet për herë të parë dosja e ish- sigurimit të shtetit për të. Në një aktivitet, në kuadër të ditëve të kujtesës, studiues, familjarë dhe të njohur të Musine Kokalarit, morën dhe lexuan pjesë nga dosja e saj.<br /><br />Kjo është hera e parë që këto dokumenta dalin në dritë pas shumë vitesh dhe tregojnë se si u akuzua si agjente e italianëve, u burgos e më pas u internua shkrimtarja dhe politikania Musine Kokalari.<br /><br />Sigurimi i shtetit e ka ndjekur këmba-këmbës Musinenë, deri në ditët e fundit të jetës së saj, dhe kanë hartuar raporte të përpikta mbi çdo lëvizje që ajo bënte.<br /><br />Ky ishte fati tragjik, i një prej femrave që vendosi t?i kundërvihej regjimit komunist, për të mbrojtur idealet e saj. Deri në fund të jetës ajo nuk pranoi se ishte fajtore,<br /><br /> ?Komunistët më varrosën për së gjalli, se nuk iu kërkova falje në gjyq për aktivitetin tim. Dhe pse do të kërkoja falje??. Unë s´jam fajtore??.
