Emrat e tre ish-zyrtarëve të policisë të shpallur në kërkim kanë dalë në dritë nga përgjimet e grupit të Habilajve.<br /><br />Taulant Haxhirajt, i cili menaxhonte parcelat me 24 ton kanabis të Habilajve të zbuluara në Tetor 2016 në Treblovë u thoshte shpesh bashkëpunëtorëve të tij shprehjen ?Kjo punë bëhet me shtet?. Pas këtyre sinjaleve, hetuesit e Krimeve të Renda forcuan dyshimet se kultivimi e trafikimi i drogës nga Vlora drejt Italisë realizohej me mbështetjen e strukturave policore.<br /><br />Nga thellimi i hetimeve rezultoi se 3 ish-zyrtaret e lartë të Policisë së Vlorës dilnin të përfshirë si bashkëpunëtorë me grupin kriminal të Habilajve.<br /><br />Taulant Haxhiraj, një prej të arrestuarve në vitin 2016 gjatë një operacioni në Treblovë, pritet të ripyetet nga Prokuroria lidhur me këtë hetim.<br /><br />Ish-drejtori i Policisë së Vlorës Jaeld Çela, si edhe dy kolegët e tij, Gjergj Kohila e Sokol Bode, tashmë janë në kërkim, pasi efektivët e SHÇBA nuk gjetën vendndodhjen për arrestimin e tyre. Ndaj tre ish-zyrtarëve kanë dalë edhe urdhrat e arrestit të Prokurorisë për Krime të Rënda.<br /><br />Burime nga grupi hetimor shprehen se lista e zyrtarëve policorë mund të zgjatet edhe më tej.
