Policia e Durrësit ka mundur të zbardhë ngjarjen e ndodhur disa ditë më parë në Shkallnur, ku u dhunuan dhe u grabitën një çift të moshuarish.<br /><br />4 janë autorët e kësaj ngjarjeje, të cilët u arrestuan. Ata janë dy vëllezërit Niko Papajorgji, 35 - vjeç dhe Marsel Papajorgji 30 - vjeç, Julian Qamili 43 - vjeç, të tre banues në Durrës, si dhe Erind Seferkolli 30 - vjeç, banues në Korçë.<br /><br />Rreth orës 03:00 të së hënës, këta persona në bashkëpunim me njëri - tjetrin dhunuan fizikisht dhe vodhën banesën e Maliq e Shahe Elezi, 77 vjeç dhe 69 vjeçe.<br /><br />Policia ka mundur të zbardhë të gjithë mekanizmin e kësaj ngjarjeje.<br /><br />Kështu, dy vëllezërit Niko dhe Marsel Papajorgji në rolin e nxitësve dhe ndihmësve kanë bërë roje, ndërkohë që në banesë janë futur nga dritarja Julian Qamili dhe Erind Seferkolli (ekzekutorët), të cilët kanë dhunuar dhe lidhur çiftin.<br /><br />Pasi kontrolluan banesën, grabitësit gjetën dhe vodhën 160 000 lekë të reja. Pas kësaj ata u larguan.<br /><br />"Kapja dhe ndalimi i tyre është bërë e mundur si rezultat i bashkëpunimit të Policisë Kufitare Kakavijë dhe Drejtorisë Vendore të Policisë Korçë", thotë policia në njoftimin e saj./tvklan.al
