http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Operacioni i gjerë antidrogë i policisë greke që mundësoi sekuestrimin e 1.6 tonëve kanabis pranë Athinës, vijoi sot me arrestimin e një biznesmeni grek me inicialet S.K, nga Mikonos.<br /><br /> <br /><br />Agjentët e prangosën atë në një hotel në jug të Athinës; l biznesmeni dyshohet se i përket bandës së narkotrafikut që vepronte mes Shqipërisë dhe Greqisë e që trafikonte tonelata me hashash jo vetëm në Greqi, por edhe në Europë.<br /><br /><br /> <br /><br />Në total deri më tani janë arrestuar dhjetë anëtarë të organizatës kriminale: gjashtë shqiptarë, dy italianë, një bullgar dhe një grek. Por të tjerë të implikuar janë në kërkim në të dy vendet.<br /><br /> <br /><br />Ndërkohë roja bregdetare greke në një njoftim zyrtar, publikoi detaje nga ndjekja e vështirë në det e gomones transoqeanike të mbushur me kanabis.<br /><br /> <br /><br />Sipas hetuesve grekë, mjeti lundrues me tre motorë të fuqishëm ishte nisur nga brigjet jugore shqiptare ku kishte marrë kanabisin e papërpunuar. Në bordin e saj ndodheshin dy shqiptarë dhe një Italian. Ata kaluan në ujërat greke dhe prej aty, roja bregdetare filloi ndjekjen nga deti dhe nga ajri.<br /><br /> <br /><br />Aksioni u zhvillua në kushte shumë të vështira. Në disa raste pati edhe përleshje midis motoskafit të policisë me gomonen e trafikantëve, e cila mori zjarr. Në përpjekjet për të shmangur flakët, trafikantët bënë manovra të rrezikshme, ndërkohë që hodhën në det një sasi të drogës si dhe disa armë.<br /><br /> <br /><br />Po ashtu pjesëtarë të rojës bregdetare greke ranë në det gjatë ndjekjes, duke pësuar dëmtime të lehta.<br /><br /> <br /><br />Përfundimisht, mbrëmjen e 25 nëntorit, pas një ndjekje maratonë në gjithë bregdetin jonian, gomonia u bllokua në zonën detare midis Makronissos dhe ishullit Kea. Policët u detyruan të hedhin ndriçues gjatë natës e të përdorin edhe snajper, duke plagosur një prej trafikantëve shqiptarë.<br /><br /> <br /><br />Departamenti i Drogës dhe Prokuroria greke bënë të ditur se goditja e trafikantëve erdhi pas hetimeve që kishin filluar kohë më parë për organizatën kriminale që vepronte ne Shqipëri, Greqi dhe Itali.<br /><br /> <br /><br />Aktualisht po hetohen edhe lidhje të tjera të trafikantëve në disa shtete, si dhe pasuritë që ata zotëronin.
