http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />105 vite me parë me këtë penë u nënshkrua akti i Pavarësisë së Shqipërisë. Ajo gjendet e ekspozuar nga mëngjesi i këtij 28 nëntori në Muzeun Historik Kombëtar, e bashkë me të edhe aparati telegrafik mors me të cilën janë dërguar telegramet, ku njoftohej se më 28 nëntor do të ngrihej flamuri i Shqipërisë së Pavarur.<br /><br /> <br /><br />Risia e ekspozitës këtë vit janë telegrafët e letrat që Ismail Bej Vlora u dërgonte delegatëve dhe përfaqësueseve të qyteteve në të gjithë vendin. Ato ekspozohen sot për herë të parë, ajo që dihet është se këto datojnë në periudhën 1912-1914 dhe informojnë si nënshkrimin e pavarësisë, por edhe diplomacinë e përdorur kundrejt të huajve.<br /><br /><br /> <br /><br />Ekspozita në Muzeun Historik Kombëtar është eventi që çel një sërë aktivitetesh të tjera që do të mbahen në kryeqytet gjatë festive të nëntorit.<br /><br /> <br /><br />Sheshi Skenderbej që në orët e para ka gjalluar nga fëmijët, sot në mbrëmje ka një tjetër alternativë. Artistët e teatrit të Operas dhe Baletit, do të ngjiten në skenën e improvizuar, për një koncert Opera on Air. Sigurisht, program artistik përmban muzikë shqiptare, nisur nga opera Skënderbeu.<br /><br /> <br /><br />Festa në kryeqytet do të vijojë deri në orët e vona, për të vijuar me aktivitetet e 29 nëntorit.<br /><br /> <br /><br />Nata e 29 nëntorit pritet të jetë një natë e bardhe e veshur kuqezi.
