Subscribe në Ora News këtu http://bit.ly/1s5j7UT<br /><br />Ish-drejtori i përgjithshëm i burgjeve Artur Zoto mohon në gjykatë akuzat e ngritura ndaj tij për korrupsion me tenderët e furnizimit me ushqime për të dënuarit.<br /><br />Në seancën e të enjtes tek krimet e rënda gjykata ka marrë në pyetje ish-kreun e burgjeve në lidhje me akuzat që i adreson prokuroria për keqpërdorime e parregullsi në tre tendera të furnizimit të burgjeve me ushqime. <br /><br />Gjatë deklarimeve para gjykatës, Artur Zoto ka thënë se nuk ka asnjë faj dhe se nuk ka shkelur ligjin. Duke iu referuar deklarimeve të dhëna nga i penduari i kësaj çështje, Iliaz Labi, Zoto ka bërë me dije se ky person nuk ka qenë asnjëherë në zyrën e tij.<br /><br />"Nuk kam pasur komunikim dhe as ndonjë takim fizik me biznesmenët. Kërkoj të ngrihet një komision i veçantë që të verifikoje tenderin për të cilin akuzohem", është shprehur Artur Zoto gjatë deklarimeve në gjykatë.<br /><br />Ai akuzohet për korrupsion në tre tendera të zhvilluar në institucionin që ka drejtuar ndërsa pikënisja e hetimeve ndaj tij kanë qenë deklarimet e dhëna nga iljaz labi, ish-nëndrejtor i përgjithshëm i burgjeve.<br /><br />I pari për këtë çështje u arrestua ish-nëndrejtori Iljaz Labi pasi Prokuroria për Krime të Rënda ka arritur të provojë se administratorët e kompanive kanë bashkëpunuar me njëri-tjetrin, me qëllim marrjen në mënyre fiktive të prokurimit me objekt "Blerje bulmet dhe veze", e cila ka datë lidhje kontrate 31.05.2016 dhe me vlerë totale të kontratës 22.647.936.<br /><br />Për më shumë lexoni në: www.oranews.tv/article/ish-drejtori-i-burgjeve-zoto-mohon-akuzat-e-ish-zevendesit-ngrini-komision-tenderat
