Autostrada Tiranë-Durrës përmbytet sërish.<br /><br />Prej orës 18:00 të së enjtes me qindra automjete u detyruan te kalojnë në rrugën dytësore ose nga rruga e Ndroqit, pasi autostrada Tiranë-Durrës pranë kthesës së Rinasit i ngjante një liqeni.<br /><br />Niveli i ujit në autostradë arriti e kaloi 1 metër.<br /><br />Përveç policisë rrugore në terren u angazhuan motor-pompa të komandës mbështetëse për të larguar ujin pranë zonës së Kasharit.<br /><br />Reshjet e shiut përmbytën edhe nënstacionin e Kasharit duke lenë pa energji elektrike Laprakën, Kamzën dhe Kombinatin. Ndërsa forca të ushtrisë u angazhuan edhe pranë një qendre tregtare në hyrje të Autostradës, pasi punonjësit e saj kishin mbetur brenda.<br /><br />Forcat e ushtrisë po përdorin gomone për transportimin e punonjësve.<br /><br />Probleme janë evidentuar edhe në Valias. Një zjarrfikëse e stacionit nr.3 në Tiranë e cila po shkonte të shpëtonte disa banorë të zonës, mbeti e bllokuar.<br /><br />Komiteti i Emergjencave raportoi për 10 banesa te përmbytura më Kamëz dhe rrëshqitje në rrugën e Ndroqit. Për shkak të situatës në kryeministri mblodhi Komitetin e Koordinimit të Emergjencave Civile dhe Krizave. Sipas njoftimit zyrtarë të gjitha institucionet janë urdhëruar të qëndrojnë në gatishmëri për përballimin e situatës.<br /><br />/Tv Klan
