Për shkak të reshjeve të madha të shiut dhe motit të keq, janë devijuar dy fluturime që duhej të uleshin në aeroportin e Rinasit ditën e sotme.<br /><br />Mësohet se një aeroplan i "Blue Panorama" i cili ishte nisur nga Milano u devijua në Bari në orën 21:25 dhe një charter i nisur nga Stambolli i Turqisë u devijua në Shkup në orën 21:20. Avioni i nisur nga Milano ka bërë disa fluturime mbi bregdetin e durrësit, e më pas është kthyer në Bari të Italisë. <br />Veç këtyre devijimeve një tjetër fluturim Vjenë-Tiranë, i orës 23:45, është anuluar.
