Situata e reshjeve po vjen drejt agravimit në shumë zona të vendit. Këto janë pamjet e ndërhyrjes në me një eskavator në lumin Zez të Fushë Krujës në orët e mbrëmjes, ku dalja nga shtrati kërcënon dhjetëra banesa.<br /><br />Banorët bllokuan me thasë rëre katet e para për të penguar hyrjen e ujit. Sipërfaqe të mëdha tokash bujqësore raportohet të jenë nën ujë edhe në Gjirokastër dhe zonën e Nënshkodrës, ku në disa zona mungon energjia elektrike.<br /><br />Në Shkodër 3 elektriçistë ranë në kontakt me energjinë, gjatë përpjekjeve për rivënë në punë nënstacionin e lagjes "Skënderbeg" dhe pësuan djegie.<br /><br />Nga kontaktet me energjinë humbi jetën edhe një elektriçist në Fier.<br /><br />Në fshatin Arap i Poshtëm të Dibrës raportohet për dy banesa të dëmtuara.<br /><br />Në Orikum, Radhimë e Tragjas të Vlorës është ndërprerë furnizimi me energji që prej të mërkurës në mbrëmje. Pa energji janë rreth 75,000 mijë abonentë, ndërsa jashtë funklsionit janë 62 fidera. <br /><br />Zyrtarisht raportohet se janë evakuuar 20 persona në Gjirokastër dhe 7 në Berat. <br /><br />Frika më e madhe është për daljen nga shtrati i lumit Vjosë.<br /><br />Më herët, reshjet e shiut të favorizuara edhe nga era e fortë çuan në paralizimin e trafikut detar. Për tre ditë, asnjë mjet lundrues nuk do të lejohet që të dalë në det nga Porti i Vlorës. Është paralizuar ndërkohë edhe lëvizja e trageteve të linjës Sarandë - Korfuz, për shkak të situatës së rënduar nga reshje me intesitet dhe erë të fortë.<br /><br />Edhe në Durrës puna në sektorin e ngarkim - shkarkimit u ndërpre.<br /><br />Situata e motit të keq me reshje të dendura shiu do të jetë prezente deri mesditën e të premtes.<br /><br />Sinoptikanët thonë se sasia e rreshjve që pritet të regjistrohet në dy ditë, është thuajse e barabartë me sasinë e rreshjeve që bien gjatë një muaji.<br /><br />Tv Klan
