Subscribe në Ora News këtu http://bit.ly/1s5j7UT<br /><br />Depot e ujit të ujësjellësit të Cërrikut rrezikohen nga prurjet e Lumit Shkumbin. Drejtori i Ujësjelësit Cërrik, Elvis Calja thotë për Ora News se situata është emergjente. Banorët e zonës thonë se po hasin në një situatë problematike. Shkumbini është në pikën kritike në pjesën e lartë të rrjedhës së tij, por për fat të mirë, deri tani, prurjet nuk kanë shkaktuar probleme në Myzeqe.<br /><br />24 orë reshje kanë bërë që lumi Shkumbin të arrijë pikën kritike në Librazhd, duke dalë nga shtrati në disa zona.<br /><br />Në Librazhd po ashtu raportohet për rrëshqitje dherash në disa rrugë dytësore, për hapjen e të cilave po punohet.<br /><br />Por rrezikun më të madh Shkumbini e paraqet për ujësjellësin e Cërrikut ku kërcënon depot e ujësjellësit.<br /><br />Situata është emergjente, dhe rrezikon të lërë pa ujë rreth 12 mijë banorë të zones.<br /><br />Elvis Calja: Nëse puset do përmbyteshin, do ishte katastrofë më vete sepse komplet qyteti i Cërrikut do mbetej pa ujë dhe do na duhej një kohë që të sillnim në vete këtë lloj përmbytje.<br /><br />Ndërsa banorët e zonës së i druhen përmbytjeve të banesave.<br /><br />Banor: Puset që janë atje, janë shumë të rrezikuara dhe ka mundësi që nja 7-8 familje atje poshtë, janë tepër të rrezikuara nga këto përmbytje.<br /><br />Ndërkohë në Elbasan Në Njësinë Administrative Gjergjan përroi i Llixhës ka dalë nga shtrati dhe ka përmbytur toka bujqësore. Nuk ka rrezik për banesat.<br /><br />Në Njësinë Administrative Shirgjan, si pasojë e mbushjes së kanaleve kulluese, ka përmbytje të tokave bujqësore. Nuk ka rrezik për banesat.<br /><br />Për më shumë lexoni në: www.oranews.tv/article/vershime-te-shumta-ne-elbasan-permbytje-tokash-e-bllokim-rrugesh
