Subscribe në Ora News këtu http://bit.ly/1s5j7UT<br /><br />Në Kavajë ka nisur verifikimi i dëmeve nga përmbytjet. Kryebashkiaku Isa Sakja në një lidhje telefonike për Ora News, tha se zonat më të prekura kanë qenë Golemi dhe fshati Rrikaj.<br /><br />Sakja: Situata ditën e parë ishte pothuajse si në gjithë Shqipërinë, tej mase e rënduar. Mjetet e bashkisë Kavajë në zonën e Golemit dhe fshatin Rrikaj bënë ndërhyrje emergjente. Falenderoj gjithë ato firma private që i ofruan mjetet e rënda bashkisë. Sot situata në këto zona është më e normalizuar. Kemi ngritur grupin e emergjencave që po verifikon dëmet.<br /><br />Në një bilanc paraprak, Sakja foli për rreth 100 banesa të përmbytura.<br /><br />Sakja: Kemi pas rreth 100 shtëpi të përmbytura në fshatin Rrikaj, në katet e para kryesisht. Banorët janë sistemuar në katet e dyta, apo edhe tek familjarët. Ndërkohë 10-12 familje janë strehuar në ambjentet e bashkisë. Në Kavajë nuk ka pasur ndërhyrje të ushtrisë. Furnizimi me energji elektrike ka pasur probleme në shumë zona të qytetit, furnizimi me ujë të pijshëm është normal.<br /><br />Për më shumë lexoni në: http://145.239.2.153/article/ne-kavaje-nis-verifikimi-i-demeve-sakja-te-nderhyhet-ne-digen-e-maskurise
