Kryeministri Rama ka shkuar për inspektim në qytetin e Berat ku është pritur nga Kryebashkiaku i LSI-së Petrit Sina, i cili u shpreh se nga investimet e bëra nga qeveria dhe nga pushteti vendor këtë vit nuk pati dëme si në vitet më parë.<br />Rama shoqërohej nga ministri i Mjedisit Klosi, i cili u shpreh se në datë 16 do të filloj pastrimi i qytetit dhe do të mbillet një sasi e konsiderueshme pemësh në të dyja krahët e lumit, të cilat kanë qenë ekzistuese por janë prerë.<br /><br />Sipas kryetarit të bashkisë, një pjesë të qytetit uji arriti deri në 50 cm lartësi, por falë investimeve të bëra, nuk pati rrezikshmëri si në vitin 2015.<br /><br />Në videon e postuar në Facebook, Rama shkruante se ?falë kolektorëve të rinj që u ndërtuan përmes Programit Kombëtar të Rilindjes Urbane, u përballua më mirë se asnjëherë tjetër prurja e lumit, e cila preku nivelin historik të vitit 1962, siç e tregon pllaka përkujtimore e katastrofës natyrore të atij viti! Respekt e mirënjohje të gjitha forcave që janë angazhuar non stop prej 72 orësh në Berat, si në çdo zonë tjetër të prekur nga uji?.
