Nuk është e pazakontë që shumë emigrantë, për shkak të viteve që kalojnë në një vend të caktuar të marrin të paktën theksin e gjuhës së vendit ku jetojnë. Ky ishte edhe rasti i Olsit, njëra palë e ftuar në studion e "Shihemi në gjyq", i cili prej shumë vitesh jetonte në Greqi.<br /><br />Por përveç theksit grek, një tjetër detaj që krijoi ndoshta edhe humor, ishte fakti se Olsi duket se kishte harruar fjalën e përshtatshme për t'iu drejtuar një zonje.<br /><br />Kjo pasi në pjesën më të madhe të programit, ai e thërriti zonjën Eni Çobani, "Zoti Eni".<br /><br />Olsi: Zoti Eni...<br /><br />Adriana e korrigjon: Zonja Eni<br /><br />Çobani: Nuk ka problem, ai e filloi kështu dhe unë po e lë që ta mbarojë po kështu, nuk ka problem.<br /><br />Thuajse gjatë gjithë emisionit, Olsi e pati të vështirë të vendoste, mes "Zotit" dhe "Zonja". Megjithatë, juristja dhe drejtuesja e "Shihemi në Gjyq", e kaloi gjithçka me qetësi, duke u fokusuar tek problemi për të cilin ishin në studio.<br /><br />Diskutimi për pronat mes dy kunetërve nuk kaloi pa përplasje mes tyre./tvklan.al
