Përdorimin e teknologjisë në zgjedhje, aleatët e Partisë Demokratike e shohin të pamjaftueshëm për t?i dhënë zgjidhje antikushtetueshmërisë, që sipas tyre, prodhon sistemi aktual elektoral.<br /><br />"Në qoftë se nuk ndërhyjmë në sistem, këto janë arnime."<br /><br />"Kemi një Kod Zgjedhor antikushtetues të sistemit proporcional, rajonal, ka probleme me përfaqësimin e votës."<br /><br />Puna e Komisionit të Reformës Zgjedhore, sipas tyre, duhet të nisë nga ndryshimi i sistemit, për të cilin ata kanë edhe propozime konkrete.<br /><br />"Një mazhoritar proporcional, apo një sistem proporcional me gjashtë rajone duke ulur edhe numrin e deputetëve nga 140 në 120."<br /><br />"Gjykoj që do të ishin një sistem i vjetër që kishim, mazhoritar i korrektuar më proporcional dhe me një skemë e cila është kombëtare."<br /><br />Ndryshimet në sistem, thonë dy aleatët e Partisë Demokratike, diktojnë një hartë të re territoriale, si dhe rikthimin tek listat e hapura.<br /><br />"Duhet të jenë të hapura, pra të ketë një mundësi përzgjedhjeje nga qytetarët."<br /><br />"T'i kthejmë një element mazhoritar të paktën. Të zgjedhë përtej partisë, të zgjedhë edhe personin".<br /><br />Propozimet e aleatëve opozitarë vijnë në një kohë kur prioritet i Reformës Zgjedhore për Partinë Demokratike është dekriminalizimin e zgjedhjeve, si dhe votimi e numërimi elektronik.<br /><br />Tv Klan
