Edhe pse kanë kaluar 5 ditë nga përmbytja, uji nuk është larguar ende nga banesat në Valias.<br /><br />Duke shfrytëzuar rrezet e pakta të diellit që dolën sot, shumë banorë, kishin nxjerrë të thanin ato çka mundën të shpëtonin nga vërshimi i ujit. Tek të gjitha shtëpitë në rrugën "NATO", duken ende shenjat e ujit në mure. Në disa prej tyre niveli arriti deri në 1 metër e gjysmë.<br /><br />Banorët thonë se dëmet që ka lënë pas përmbytja janë shumë të mëdha.<br /><br />"Asnjë sens nuk na ka ngelur, përveç njerëzve të gjallë".<br /><br />Të ardhur nga zonat e thella të veriut për një jetë më të mirë në kryeqytet shumë banorë, janë penduar për zgjedhjet që kanë bërë.<br /><br />"Ta dija nuk kisha ardhur kurrë këtu"<br /><br />Pak më tej, në rrugën kryesore, siç ndodh gjithmonë në Shqipëri pas përmbytjes, ka nisur pastrimi i kanaleve kulluese. Banorët na tregojnë se ky kanal ka mbi 20 vite që nuk është pastruar.
