Subscribe në Ora News këtu http://bit.ly/1s5j7UT<br />Nënkryetarja e Komisionit të Ekonomisë, Jorida tabaku njëherësh edhe deputete e PD tha se të dhënat e qeverisë për punësimin dhe ekonominë janë propagandë në kohë përmbytjesh.<br /><br />Në një deklaratë për mediat, Tabaku deklaroi se "260 mijë vende pune do të hapeshin, nëse Rama dhe Ahmetaj nuk do të paguanin 350 milionë euro për 3 fabrikat e tyre të djegies së plehrave".<br /><br />Deklarata e Jorida Tabakut<br /><br />Të dhënat e qeverisë për punësimin dhe ekonominë janë propagandë në kohë përmbytjesh.<br /><br />Nuk është e vërtetë që në mandatin e parë qeveria e Edi Ramës hapi 260 mijë vende të reja pune. Duke iu referuar të dhënave të INSTAT-it, që kontrollohet nga qeveria, numri i të punësuarve në 4 vjet, është rreth 30 mijë. Thënë ndryshe sa 1/10-ta e premtimit të tij elektoral, tregues i një ekonomie që nuk lëviz dhe që ka përqëndruar paranë në disa duar.<br /><br />Gjatë qeverisjes së Edi Ramës ka vetëm dy tregues me rritje të fortë: taksat për 90 përqind të shqiptarëve dhe ekonomia informale, ku qarkullon paraja e zezë, e krimit, drogës dhe korrupsionit.<br /><br />Gjatë këtyre 5 vjetëve në çdo buxhet që kjo qeveri solli, pati rritje taksash për bizneset e mëdha e të vogla, për qytetarët, për pensionistët. Sot ne paguajmë 1,5 mld euro taksa më shumë se 5 vjet më parë. Çdo ditë mbyllen 40 biznese nga pamundësia për të mbijetuar në një treg të pabarabartë.<br /><br />Për më shumë lexoni në: www.oranews.tv/article/tabaku-te-dhenat-e-qeverise-punesimi-dhe-ekonomi-propagande-ne-kohe-permbytjesh
