Aksioni anti-informalitet do të përqendrohet te bizneset e mëdhenj. Ministri i Financave deklaroi se këto biznese deklarojnë paga nën 30 mijë lekë, për 42% e të punësuarve.<br /><br />"Sa është ironi, aq është edhe tragjike. Imagjinoni kompani të mëdha që deklarojnë ekonomistin me 270 mijë lekë të vjetra në muaj."<br /><br />Arben Ahmetaj tha se të gjitha këto dosje që janë konstatuar nga Drejtoria e Tatimeve do të skanohen. Biznesit do t?i jepet mundësia t?i korrigjojë pa penalizim, në të kundërt, do të veprojë ligji.<br /><br />"Biznesi i madh të korrektojë veten dhe të nxjerrë në dritë në bilancet e tyre të pastra, të drejtën e një të punësuari".<br /><br />Edhe ndryshimi i kufirit të TVSH-së, tha kreu i Financave, nuk bëhet për të rritur kostot e biznesit të vogël, por për të gjurmuar transaksionet e të mëdhenjve.<br /><br />"Për të skanuar më mirë transakasionin që fillon nga biznesi i madh dhe që e ka zanafillën tek prodhimi, apo tek importimi".<br /><br />Deri tani, aksioni anti-informalitet ka zbuluar 1600 biznese që deklaronin më pak xhiro për të shmangur pagesën e tatimit mbi fitimin.
