Subscribe në Ora News këtu http://bit.ly/1s5j7UT<br /><br />Prokuroria e Krimeve të Rënda ka lëshuar urdhër-ndalimi ndaj nënkomisarit të Policisë së Fierit, Festim Lelaj, nën akuzën e organizatorit të trafikut të një sasie prej 2.5 ton drogë në drejtim të Italisë. <br /><br />Ai bashkë me 7 persona të tjerë akuzohen si pjesë e një grupi të strukturuar kriminal nga ana e Prokurorisë së Krimeve të Rënda.<br /><br />Lënda narkotike u sekuestrua në Ankona, ndërsa ishte nisur nga porti i Durrësit në janar të këtij viti. <br /><br />Kamioni me lëndë narkotike drejtohej nga shtetasi Dhimo Koraj, i arrestuar nga autoritetet italiane. <br /><br />Kohë më parë, janë arrestuar shtetasit Demo Progonati, Euron Hoti dhe Malton Lleshi, ndërsa është caktuar masa e sigurisë arrest me burg edhe për shtetasin Aurel Lazaj. <br /><br />Ndërkohë, gjatë ditës së sotme, policia ka arrestuar shtetasit Skënder Siceqa dhe Arbi Mustafa.<br /><br />Të gjithë këta shtetas akuzohen si pjesë e një grupi të strukturuar kriminal.<br /><br />Prokuroria:<br /><br />Një operacion i Prokurorisë për Krime të Rënda përfundoi me ndalimin e disa personave, përfshirë edhe një oficer të lartë policie, i cili konsiderohet në rolin e organizatorit, të dyshuar si përgjegjës për trafikimin e 2.5 ton lëndë narkotike kanabis nga porti i Durrësit në drejtim të Italisë, ngjarje e ndodhur në janar 2017.<br /><br />Për më shumë lexoni në: www.oranews.tv/article/trafiku-i-25-ton-droge-drejt-italise-urdher-ndalimi-nenkomisarin-e-policise-fier
