http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Shtetet e Bashkuara të Amerikës dhe Bashkimi Europian janë të prerë kur thonë se mandati i Prokurorit të Përgjithshëm ka përfunduar dhe se Kuvendi duhet të zbatojë detyrimin kushtetues për zëvendësimin e tij.<br /><br /> <br /><br />Ambasadori amerikan Donald Lu në një mesazh postuar në facebook, shkruan se ligji themeltar flet qartë për këtë moment.<br /><br /> <br /><br /> ?Kushtetuta dhe Ligji për Prokurorinë janë të qartë. Ambasada e SHBA mbështet opinionin ligjor që OPDAT dhe EURALIUS i kanë dhënë Parlamentit. Ne nxisim Parlamentin të zbatojë ligjin.?<br /><br /> <br /><br />Të njëjtin qëndrim të qartë mban edhe Delegacioni i BE-së në Tiranë, duke ftuar Kuvendin e Shqipërisë të respektojë ligjin.<br /><br /> <br /><br /> ?Ligji për organizimin dhe funksionimin e Prokurorisë parashikon dispozita të qarta transitore, siç konfirmohet nga EURALIUS dhe OPDAT në opinionin e tyre në Kuvend. Ne e ftojmë Kuvendin të procedojë në respekt të plotë të ligjit.?<br /><br /> <br /><br />Në opinionin dërguar Kuvendit të Shqipërisë, OPDAT dhe EURALIUS, theksojnë se kreu i ri i akuzës mund të zgjidhet me 71 vota të deputetëve. Në gjykimin e dy misioneve që kanë asistuar Parlamentin në hartimin e reformës në drejtësi, pjesë e së cilës është edhe ligji për Prokurorinë, mandati i Llallës përfundon në fillim të dhjetorit.<br /><br /> <br /><br />Sipas tyre, Këshilli i Lartë i Prokurorisë, i cili është përgjegjës për emërimin e Prokurorit të Përgjithshëm ende nuk është themeluar, prandaj zbatohet regjimi kalimtar për zgjedhjen e Prokurorit të Përgjithshëm të përkohshëm.
