Ferdinand Elezi është kandidati i parë që pritet të depozitojë në Parlament dokumentacionin e duhur për të garuar për postin e kryeprokurorit të përkohshëm.<br />Këtë të premte, edhe pse një ditë pushimi për administratën e prokurorisë, ai është pritur në një takim nga kryeprokurori në ikje, Adriatik Llalla, të cilit i skadoi mandati një ditë më parë.<br /><br />Duke dalë nga selia e Prokurorisë së Përgjithshme, Elezi nuk ka dhënë ndonjë detaj nga takimi, por ka thënë vetëm se kishte qenë atje për t?u pajisur me një dokument për vjetërsinë në punë.<br /><br />Aktualisht Elezi mban detyrën e kryetarit të Prokurorisë së Apelit në Durrës, ndërsa më parë ka drejtuar prokurorinë e rrethit në Korçë.<br /><br />Pjesë e kësaj gare të shpallur ditën e sotme nga Parlamenti, e cila mbyllet të martën në orën 18:00, pritet të jenë dhe disa emra të tjerë, mes të cilëve: Dritan Rreshka, aktualisht prokuror në organin e akuzës së kryeqytetit; dhe Olsi Çela, prokuror pranë Krimeve të Rënda.
