Subscribe në Ora News këtu http://bit.ly/1s5j7UT<br /><br />Ministri i Infrastrukturës dhe Energjisë Damian Gjiknuri shoqëruar nga zv.kryeministrja Senida Mesi inspektuan hidrocentralin e Vaut të Dejës në Qarkun e Shkodrës. <br /><br />Ministri Gjiknuri tha se para një jave pati përmbytje në Shqipëri por mirëmenaxhimi i kaskadës, eksportet dhe shitja e energjisë në kohë për ti lënë hapësirë volumeve të pritshme të ujit nga reshjet e befta bënë që të prodhohej më shumë energji, të rritej rezerva energjetike dhe të mos ndodhnin përmbytje në nën Shkodër.<br /><br />?Gjatë këtyre katër viteve, nuk është çështje fati por edhe çështje mirëmenaxhimi të Kaskadës që qytetarët e nën Shkodrës kanë shpëtuar nga përmbytjet masive për të cilat kanë qenë dëshmitarë në vitet e mëparshme. Përgëzoj edhe stafin për punën e mirë të bërë por njëkohësisht edhe tu japim lajmin e mirë shqiptarëve që rezerva energjetike po përmirësohet, pak nga pak po hyjmë në normalitet për të filluar planifikimin e energjisë për vitin që vjen, pas një viti jashtëzakonisht të thatë e me vështirësi nga ana financiare. Po fillojmë po hyjmë në një klimë normaliteti përsa i përket parashikimeve në energji. Ky është një lajm i mirë për ekonominë shqiptare, për Buxhetin e Shtetit sepse në fund të fundit financat publike kërcënoheshin nga thatësirat e mundshme?, theksoi Gjiknuri.<br /><br />Ndërkaq, zv.kryeministrja Senida Mesi tha se investimet e kryera gjatë viteve të fundit në Kaskadën e Drinit kanë qenë serioze dhe jo të vogla në vlerë.<br /><br />?Dua të theksoj edhenjëherë atë çka tha ministri, jo vetëm por kryesisht mirëmenaxhimi i Kaskadës së Drinit, ndjekja e rregullores me përpikmëri ka bërë që ne të mos kemi përmbytje këtë 5 vjeçar. Është një rregullore që daton që këtu e në krijimin e këtij hidrocentrali gjë që tregon se nëse rregullorja ndiqet me përpikmëri nuk ka asnjë problem për zonat rreth e rrotull. Siguruam edhe kryetarin e Bashkisë së Vaut të Dejës se ne do të vazhdojmë pikërisht me të njëjtin ritëm?, u shpreh Mesi.<br /><br /><br />Për më shumë lexoni në: <br />http://oranews.tv/article/gjiknuri-inspekton-hec-e-vaut-te-dejes-miremenaxhimi-i-kaskades-shmangu-permbytjet
