Ka shkuar në 12 numri i personave të shoqëruar në lidhje me atentatin ku mbeti i vrarë Aleksandër Ndoka, vëllai i ish-deputetit Arben Ndoka.<br /><br />Sipas policisë këta persona kanë pasur më parë konflikte me të ekzekutuarin ose kanë pasur dijeni për to.<br /><br />Por deklarimet e tyre nuk e kanë ndihmuar grupin hetimor.<br /><br />Për këtë arsye prokurorët nuk po anashkalojnë asnjë konflikt që Ndoka dhe familjarët e tij mund të ketë patur në Lezhë apo jashtë vendit.<br /><br />Burime të Prokurorisë bëjnë me dije për Tv Klan se po hetohen dy pista kryesore, ajo e konflikteve personale apo anëtarëve të tjerë të familjes Ndoka dhe ajo e vrasjes për shkak të detyrës.<br /><br />Prej vitit 2013, 48-vjeçari ka mbajtur detyra në administratën lokale në Lezhë, jurist në Hipotekë dhe këshillin e qarkut si dhe nga 2015 anëtar i këshillit bashkiak.<br /><br />Ndërsa muaj më parë ai ishte emëruar edhe kryeinspektor i Inspektoriatit Kombëtar të Mbrojtjes së Territorit për Veriun.<br /><br />Një konflikt ku u perfshi djali i viktimës në zgjedhjet e 25 Qershorit është bërë gjithashtu pjesë e hetimit.<br /><br />Ai u arrestua vetëm 3 javë më parë, ndërsa është lejuar të marrë pjesë në ceremoninë mortore të babait, i shoqëruar nga forca të policisë.<br /><br />Hetuesit thonë së autorët e këtij atentati kanë patur informacion të saktë mbi levizjet që kryente objektivi i tyre ose e kanë ndjekur atë.<br /><br />Rruga në afërsi të banesës është parë si vendi më i përshtatshëm, për shkak se është ngushtë dhe viktima nuk ka patur mundësi largimi.<br /><br />Sipas ekspertëve te kriminalistikes, Aleksandër Ndoka ka qënë duke kthyer makinën për të hyrë në banesë dhe është qëlluar teksa po ecte mbrapsht.<br /><br />14 plumba u qëlluan ndaj tij dhe 9 prej tyre e kanë prekur në trup, duke i shkaktuar vdekjen e menjëhershme.<br /><br />Tv Klan
