http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Vendi është përshirë nga reshje dëbore kryesisht në verilindje. Ne Dibër, në disa zona trashësia e dëborës arrin deri në 20 centimetra. Ndërsa në Bulqizë dëbora ka rënë edhe në qytet.<br /><br /> <br /><br />Nuk raportohet të ketë probleme me qarkullimin e mjeteve. Ndërkohë firma po mban të hapur aksin Peshkopi ? Kukës.<br /><br /> <br /><br />Fshatrat më problematik mbeten dy Ternovat, ku dëbora e rënë në fillim të javës shkoi deri në 50 centimetra. Ndërkohë që në zonat e ulëta ka patur reshje të mëdha shirash, duke krijuar shembje në rrugë dhe ura.<br /><br /> <br /><br />Në Rrugën e Kombit bora pranë tunelit në Kalimash, arriti rreth 5 centimetra, por ndërhyrja e 6 borëpastruesve ka shmangur problemet në qarkullim.<br /><br /> <br /><br />Të gjitha akset rrugore që përshkojnë Qarkun e Kukësit janë të qarkullueshme pa problem, përfshirë edhe aksin Bajram Curri-Valbonë, ku trashësia e borës arriti në 20 centimetra.<br /><br /> <br /><br />Aktualisht janë 20 borëpastruese dhe 4 fadroma në gatishmëri në të gjithë Qarkun e Kukësit. Policia u ka bere apel drejtuesve te mjeteve që të pajisen me zinxhirë për udhëtimin drejt zonave malore.<br /><br /> <br /><br />Furnizimi me energji elektrike ka qenë problematik vetëm në njësinë administrative Zapod, ndërsa në spital nuk raportohet ndonjë emergjencë për shkak të motit të ftohtë.
