Kryeministri Edi Rama insiston për ta zgjedhur kryeprokurorin e përkohshëm në konsensus me opozitën. Ndaj ai e përsëriti serish ftesën kundrejt saj.<br /><br />?Duke respektuar legjislacionin në fuqi për të zgjedhur prokurorin e përkohshëm të përgjithshëm qoftë edhe me shumicë të thjeshtë, gjë që është mbështetur qartësisht, sepse kështu e thotë ligji, nga partnerët tanë ndërkombëtarë, nuk do të rresht deri në sekondën e fundit ftesën për opozitën të bëhet pjesë e procesit?.<br /><br />Në mbledhjen e grupit parlamentar i kujtoi opozitës së pasuesi i Adriatik Llallës mund të zgjidhej vetëm me kartonat e shumicës në parlament, por theksoi se bashkëpunimi është i rëndësishëm për vendin, tani në prag të hapjes së negociatave. <br /><br />?Sot përsëri ne jemi shumica që e shikon këtë çështje jo me syrin e momentin, jo me qëllime të tjera, përpos qëllimit strategjik të vendit tonë, i cili është në radhë të parë për çeljen e negociatave...<br /><br />Nëse opozita nuk tregon interes për vendin në këtë moment ne do të zgjedhim prokurorin e përgjithshëm të përkohshëm me shumicë të thjeshtë, por duhet të luftojmë deri në fund për të arritur një marrëveshje. Opozita mund të vazhdoj në ato kauza që ajo i quan të drejta në luftën e saj kundër qeverisë. Mund të vazhdoj debatin politik të ditës së ta dojë në shqip, por kur bëhet fjale për anglisht, duhet të bëhemi të gjithë një?.<br /><br />Akuzave te opozitës se mazhoranca po vepron në shkelje të Kushtetutës, kryeministri u vuri sërish përballë qëndrimin e Ambasadës Amerikane dhe ambasadës së Bashkimit Europian.<br /><br />?Se nuk mundet dot që avazi të fillojë gjithnjë nga e para sa herë flitet për zbatimin e reformës, nuk ka mundësi që as ne, SHAB dhe BE të mos lexojnë dot ligjin ashtu si duhet dhe vetëm opozita na qenka në gjendje të bëjë leximin e duhur, është e qartë, njerëzit e kuptojnë shumë mirë, por koha, momenti strategjik i vendit është i tillë që duhet tu japë kolegëve tanë në opozitë arsye për të kapërcyer mbi vetveten dhe për të bërë për Shqipërinë atë që ka nevojë sot?.<br /><br />Opozita refuzoi ftesën e parë të kryeministrit dhe e braktisi mbledhjen e Komisionit të Ligjeve kur u votua hapja e procedurës për zgjedhjen e kreut të përkohshëm të Prokurorisë së Përgjithshme. Sipas procedurës së miratuar nga shumica, kandidatët për këtë detyrë, kanë afat deri të martën në orën 18:00 për t?u regjistruar, duke paraqitur vetëm jetëshkrimin dhe një shkresë përmes të cilës shprehen se e pranojnë kandidimin. Kryetari i Komisionit të Ligjeve, tha në mbledhjen e Grupit Parlamentar Socialist se kandidatët duhet të jenë nga sistemi i drejtësisë dhe duhet të kenë 15 vjet pune, siç përcaktohet në ligj.
