Djali i elektricistit nga Roskoveci, Sabri Vlinga, që humbi jetën në krye të detyrës, është punësuar specialist pranë klientit në OSHEE e Roskovecit, pikërisht aty ku punonte i ati i tij.<br /><br />Drejtori i OSHEE, Armand Xhuka, i ka dorëzuar Xhelal Vlingës, djalit të të ndjerit, një uniformë të vendit të punës dhe i ka uruar punë të mbarë, duke mbajtur premtimin për punësimin e tij pas humbjes së të atit.<br />?Kishe një baba të palodhur dhe i kudondodhur, bëhu si ai?, tha Xhuka, duke shtuar se po ndiqen procedurat ligjore edhe për të ndihmuar familjen për një pension familjar, të cilat do të përfundojnë shumë shpejt.<br /><br />Sabri Vlinga humbi jetën në përpjekje për t?i rikthyer energjinë fshatit Drizë të komunës Kurjan, ku ai vetë banonte.
