Saimir Tahirit nuk i lejohet të dalë jashtë vendit.Gjykata e Krimeve të Rënda ka pranuar kërkesën e Prokurorisë për bllokimin e pasaportës së ish-minsitrit të Brendshëm.<br /><br />Vendimi është marrë katër ditë më parë në 9 Dhjetor dhe deputeti është njoftuar këtë të martë për këtë vendim, nëpërmjet mbrojtësve ligjorë. Nuk është e qartë se cilat janë zhvillimet e reja në hetimin ndaj ish ?ministrit që e kanë detyruar gjykatën të marrë këtë masë shtrënguese.<br /><br />Avokati Maks Haxhia la të kuptohet për disa mesazhe të dala në media mes një familjari të Saimir Tahirit dhe Orest Sotës, që u kap në Elbasan me 863 mijë Euro dhe 2 patentat e lundrimit të ish-ministrit.<br /><br />Burime nga Prokuroria e Krimeve të Rënda thonë se në dosjen e sjellë nga Prokuroria e Katanias për çështjen Tahiri-Habilaj janë gjetur prova të reja të cilat kanë bërë grupin hetimor t?i drejtohet gjykatës për vendosjen e kufizimit në lëvizje.<br /><br />Menjëherë pas këtij vendimi një kopje e pasaportës së Tahirit i është dërguar të gjitha pikave kufitare për të mos lejuar kalimin e tij. Ndërkohë që pasaporta origjinale i është bllokuar deri në një vendim të gjykatës.
