Saimir Tahirit nuk i lejohet të dalë jashtë vendit. Gjykata e Krimeve të Rënda ka pranuar kërkesën e prokurorisë për bllokimin e pasaportës së ish-ministrit të Brendshëm.<br />Ky është vendimi që është marrë katër ditë më parë, në 9 Dhjetor dhe deputeti është njoftuar këtë të martë për këtë vendim, nëpërmjet mbrojtjes ligjore.<br />Nuk është e qartë se cilat janë zhvillimet e reja në hetimin ndaj ish-ministrit, që e kanë detyruar Gjykatën të marrë këtë masë shtrënguese. Në vendim thuhet se niveli i dyshimit mbështetet kryesisht në të dhënat e përgjimeve ambientale dhe prania e kushtit të vetëm të veçantë, të lidhur me rrezikun e largimit për ligjin, për gjykatën, vendosjen e masës së sigurimit personal të ndalimit të daljes jashtë shtetit.<br />Avokati Maks Haxhia la të kuptohet për disa mesazhe të dala në media mes një familjari të Saimir Tahirit dhe Orest Sotës, që u kap në Elbasan me 863 mijë euro dhe 2 patenta lundrimi të ish-ministrit.<br />Burime nga Prokuroria e Krimeve të Rënda thonë se në dosjen e sjellë nga Prokuroria e Katanias për çështjen Tahiri-Habilaj janë gjetur prova të reja, të cilat e kanë bërë grupin hetimor t?i drejtohet gjykatës për vendosjen e kufizimit në lëvizje.<br />Menjëherë pas këtij vendimi, një kopje e pasaportës së Tahirit i është dërguar të gjitha pikave kufitare për të mos lejuar kalimin e tij. Ndërkohë që pasaporta origjinale i është bllokuar deri në një vendim të gjykatës.<br /><br />Tv Klan
