VLORË-Një 23-vjeçar është plagosur me armë zjarri pasditen e sotme në Orikum, ndërsa janë shpallur në kërkim dy autorët e ngjarjes.<br />Sipas policisë, në rrugë pranë një pike karburanti në hyrje të Orikumit, autorët janë afruar dhe kanë qëlluar me armë zjarri në drejtim të Denis Brahimit 23 vjeç.<br /><br />Denis Brahimi është plagosur në këmbë por jashtë rrezikut për jetën në spital. Në vendngjarje është gjetur një gëzhojë.<br /><br />Janë ngritur pika të shumta kontrolli për kapjen dhe ndalimin e autorëve, të cilët policia i ka identifikuar, por për arsye hetimi nuk bëhen të ditur të dhënat e tyre.<br /><br />Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
