http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Dalin ne drite detaje te reja per çështjen Tahiri-Habilaj. Dosja voluminoze prej 1800 faqesh që autoritetet italiane sollën pas goditjes së grupit përmban pjesë, ku Prokuroria pretendon se faktohet përfshirja e ish-ministrit të brendshëm Saimir Tahiri. Në përgjimet e reja ambientale që janë dorëzuar në Gjykatën e Krimeve të Rënda janë disa biseda mes Eneo Sulajt dhe Meridian Sulajt ku përmendet, Saimir Tahiri, makina audi, si dhe byzylykë me diamante që kërkon ministri i brendshëm. Gjatë bisedës Eneo Sulaj flet për një dhuratë që Mosi Habilaj i kishte bërë bashkëshortes së Tahirit. Sipas Sulajt, Saimir Tahiri nuk kërkonte para ndaj dhe Habilaj i kishte blerë një gjerdan me diamante që kushton 15 mijë euro. Me tej flitet per makinën audi dhe se si procedohet me targat e mjeteve.<br /><br /> <br /><br />Maridiani: Ishte i kushëririt tonë ai? Kryeministri, vëlla si quhet? Çfarë është ai tani?<br /><br /> <br /><br />Avduli: Saimiri.<br /><br /> <br /><br />Maridiani: Saimir Tahiri. ?01? e ka Presidenti, ?02? e ka Kryeministri, ?03? e kishte ky Saimiri.<br /><br /> <br /><br />Avduli: E ka Saimiri!<br /><br /> <br /><br />Maridiani: Po ai është ministër i Brendshëm.<br /><br /> <br /><br />Avduli: Targat e qeverisë, u hiqen targat makinave të qeverisë kur shiten.<br /><br /> <br /><br />Maridiani: Po ai ia ka dhënë Artanit me të gjitha dokumentet. Ta marrë dreqi, çfarë thotë ky shiten. Ua heqin, është e tij personale, o vëlla.<br /><br /> <br /><br />Avduli: Është personale, nuk e ka të punës.<br /><br /> <br /><br />Maridiani: Po atë e ka dhënë kështu në mirëbesim<br /><br /> <br /><br />Avduli: Por ajo dihet.<br /><br /> <br /><br />Maridiani: Por në të vërtetë ja ka dhënë Moisiut. Moisiu ia ka blerë. Me sa ka dashur ai ia ka blerë.<br /><br /> <br /><br />Përgjimet ambientale i janë bashkuar fashikullit të Krimeve të Rënda, ndërsa mes tyre ka dhe një moment ku Moisi Habilaj flet për një person i cili do i sjellë rreth 400 mijë euro. Gjatë bisedës në një moment ata flasin për zerim të borxheve me të gjithë përfshi këtu dhe shtetin. Ndërkohe hetimet e akuzës shqiptare kanë nxjerrë në pah fakte të reja për hyrje daljet e ish-ministrit të brendshëm Saimir Tahiri. Më datë 24 Shkurt të këtij viti Orest Sota ka dalë nga Shqipëria përmes pikës së Muriqanit me një automjet të Ministrisë së Brendshme e regjistruar në inventarin e këtij institucioni. Po me të njëjtin mjet, ka disa hyrje-dalje Gentian Ceka, i cili është shoferi i Tahirit. 5 muaj më vonë në 7 korrik, Saimir Tahiri ka dalë nga Shqipëria përmes pikës kufitare të Murriqanit, me automjetin që është i regjistruar në emrin e Ardit Sotës, vëllait të Orestit. Ai është kthyer dy ditë më vonë nga e njëjta pikë me një tjetër mjet, këtë herë në emër të shoqërisë ?IKONA? me pronar Lefter Sotën, babai i Orestit.<br /><br /> <br /><br />Por lëvizjet e ish-ministrit të brendshëm janë bërë dhe me automjete të tjera. Në 2 gusht 2016 ish-ministri i brendshëm ka zgjedhur portin e Durrësit për të lëvizur jashtë vendit, ketë herë më një tjetër mjet në emër Endri Hasa nga Elbasani, i cili sipas akuzës s?ka lidhje me familjen Sota. Për ...
