Subscribe në Ora News këtu http://bit.ly/1s5j7UT<br /><br />Në Pogradec po mbahet mbledhja e përbashkët e dy qeverive Shqipëri-Maqedoni, një hap i rëndësishëm që do të forcojë marrëdhëniet mes dy vendeve por dhe do të ofrojnë më shumë zhvillim për qytetarët e dy vendeve. Zaev propozoi që mbledhja e dytë e përbashkët të bëhet në Strugë ose në Ohër<br /><br />Shqipëria dhe Maqedonia zotohen të mundësojnë lëvizjen e lirë të mallrave. Rama dhe Zaev kanë vënë theksin tek bashkëpunimi i mëtejshëm. Kreu i qeverisë shqiptare premtoi reduktimin e masave në pikat doganore me Maqedoninë, ndërsa theksoi se një vëmendje të veçantë do të kenë edhe rrugët që lidhin dy vendet.<br /><br />Kryeministri maqedonas foli për bashkëpunim në infrastrukturë dhe në fushën e sigurisë<br /><br />Zoran Zaev: "Shqiptarët në Maqedoni janë një urë e vërtetë e bashkëpunimit. Presim në 2018 të nisim negociatat, si Shqipëria dhe Maqedonia për në BE. Maqedonia dhe Shqipëria ndajnë vizionin për një rajon me prosperitet të integruar në NATO. Mbështetja e Shqipërisë në këtë drejtim për Maqedoninë ka mirënjohje. Falenderoj qeverinë shqiptare për mbështetjen e Shqipërisë në NATO. Ftoj qeverinë që vitin tjetër të mbajmë mbledhjen e dytë të përbashkët në Ohër ose në Strugë<br /><br />Kryeministri shqiptar Edi Rama e vlerësoi "një moment kyç për historinë e përbashkët".<br /><br />Edi Rama: Kemi ndarë angazhimin dhe vendosmërinë për ndërtimin e një rajoni të ndërlidhur nga pikëpamja ekonomike dhe infrastrukturore pa barriera të panevojshme në qarkullimin e kapitalit, të njerëzve dhe ideve. Është parashikuar për një periudhë të shkurtër rehabilitimi i segmentit rrugor Qafë Thanë-Pogradec-Korçë. Nuk ka dyshim për ne se vijueshmëria e këtij korridori do të sjellë përfitime të mëdha për dy ekonomitë, shkurtimin e distancën midis Tiranës dhe Shkupit si dhe më shumë akses të Maqedonisë me portet tona.<br /><br />Për më shumë lexoni në: http://oranews.tv/article/mblidhen-neser-qeverite-shqiperi-maqedoni-marreveshjet-qe-do-te-nenshkruhen
