Subscribe në Ora News këtu http://bit.ly/1s5j7UT<br /><br />Ndryshe nga ç?ishte paralajmëruar, komisioneri për zgjerimin Johannes Hahn dhe ministri i jashtëm grek, Nikos Kotzias, nuk bënë deklarata për shtyp pas takimit të tyre.<br /><br />Komisioneri publikoi bëri vetëm pak rreshta në rrjetin social Twitter, ku thuhej se ?Greqia është partner kyç në zgjerimin e BE me vendet e rajonit. Ndamë interesin e fuqishëm për promovimin e stabilitetit dhe thellimin e reformave, veçanërisht në Ballkanin Perëndimor?, komentoi Hahn.<br /><br />Ndërsa ministri i jashtëm grek, menjëherë pas përcjelljes së zyrtarit europian, u ul në një bashkëbisedim të lirshëm me gazetarët.<br /><br />Sipas tij, tema e marrëdhënieve të Greqisë me Shqipërinë kishte zënë një vend të mirë në takimin me komisionerin e zgjerimit.<br /><br />?E informova komisionerin për takimin e Kretës dhe ramë dakord se Shqipëria duhet të përmbushë të gjitha kriteret si kusht për hapjen e negociatave të anëtarësimit?, tha Kotzias.<br /><br />Më tej, ministri i jashtëm grek bëri të ditur se raundi i ri i bisedimeve me homologun e tij shqiptar, me të njëjtin format si në takimin e Kretës, do të zhvillohet më 19 dhe 20 janar në qytetin e Korçës.<br /><br />?Shpresoj dhe kam një optimizëm të përmbajtur se aty (në Korçë) do të përmbyllen çështjet që u hapën, pasi të gjithë duam që zgjidhja e tyre të mos zvarritet në pafundësi dhe të shndërrohet në pengesë për hapjen e negociatave të anëtarësimit të Shqipërisë në BE?, tha Kotzias.<br /><br />Për më shumë lexoni në:http://oranews.tv/article/kotzias-bushati-negociatat-vijojne-javen-tjeter-ne-korce-kotzias-shprehet-optimist
