http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Përmbushja e reformave dhe rezultatet konkrete shpejtojnë integrimin e vendeve te Ballkanit Perëndimor. Deklarata u bë nga komisioneri për zgjerimin Johanes Han gjatë takimit në Athinë me shefin e diplomacisë greke Nikos Kocias.<br /><br /> <br /><br />Ata diskutuan për rolin kyç të Greqisë në çështjet e zgjerimit të BE-së, e konkretisht për vendet kandidate si Shqipëria dhe Maqedonia.<br /><br /> <br /><br />Bashkimi Europian sipas komisionerit Hahn, do të ketë më shumë influencë gjatë negociatave, ndaj ai shprehu vendosmërinë për të hapur bisedimet e anëtarësimit sa me shpejt me Shqipërinë dhe Maqedoninë.<br /><br /> <br /><br />Komisioneri tha më tej se Greqia është nje partner kyç per anëtarësimin e këtyre vendeve dhe per fqinjësinë e mire.<br /><br /> <br /><br />Ndërsa ministri i jashtëm grek Kotzias theksoi se është e nevojshme te plotësohen te gjitha rekomandimet per anëtarësim. Për sa i përket Shqipërisë, shefi i diplomacisë greke, iu referua takimit tre ditor në Kretë me homologun Bushati, duke shtuar se bisedimet do të vazhdojnë më datë 19-20 Janar në qytetin e Korçës.<br /><br /> <br /><br />Kocias tha se ekziston një shpresë dhe një frymë optimiste, se në Korçë do të përfundojnë çështjet e hapura midis dy vendeve, pasi të dyja palët kanë interes që ato të mos mbeten të përjetshme dhe një pengesë për fillimin e procesit të negociatave të Shqipërisë me BE-në.<br /><br /> <br /><br />?Ne duam që të zgjidhim problemet që kanë ekzistuar për një kohë të gjatë, ose të konkretizojmë marrëveshjet e së kaluarës me kërkesat aktuale. Mendojmë që i gjithë ky proces të përfundojë në një Traktat të ri të Miqësisë Greqi-Shqipëri, ose në rinovimin e atij të vitit 1996, pasi ekziston përgatitje e lartë dhe dëshirë nga të dyja palët?, ka thënë Kotzias.<br /><br /> <br /><br />?Shpresoj se slogani, që thotë se ?historia nuk duhet të jetë burgu ynë, por shkolla jonë?, të provohet në praktikë?, ka deklaruar ministri i Jashtëm.
