Përngjan me një skenë filmi ajo e dy të rinjve në Shkodër, të cilët në përpjekje për t?i shpëtuar policisë, përfunduan jashtë rruge.<br /><br />Bardhok Qershia, 32 vjeç, banues në lagjen ?Tre Heronjtë? dhe një tjetër person po lëviznin me një makinë ?Volkswagen? me targa AA338NG kur ranë në radarin e oficerëve të njësisë ?Shqiponja?, gjatë patrullimit në fshatin Grudë. Atyre iu bë shenjë për të ndaluar, por 32-vjeçari Qershia nuk u bind dhe vijoi lëvizjen me shpejtësi.<br /><br />Për pasojë, ai humbi kontrollin duke dalë nga rruga, por pa pësuar dëmtime, as ai dhe as pasagjeri. E pasi përfunduan jashtë rruge, ata braktisën makinën dhe u larguan në drejtim të fshatit Grudë.Policia sqaron se gjatë tentativës për t?u larguar, 32-vjeçari ka nxjerrë nga makina dhe ka hedhur në rrugë një çantë sportive, brenda së cilës kishte 22.5 kilogramë kanabis, të ndara në 19 pako të mbështjella me natriban.<br /><br />Pavarësisht përpjekjeve për të shpëtuar, Qershia u arrestua, ndërsa personi tjetër që ndodhej me të arriti të largohej dhe është shpallur në kërkim./tvklan.al
