Subscribe në Ora News këtu http://bit.ly/1s5j7UT<br /><br />Një prej kishave të qytetit të Korçës, 'Kisha e Shën Sotirit', kishë e minoritetit vlleh e cila ndodhet në hyrje të parkut të qytetit ka qenë shenjestra e radhës për grabitësit.<br /><br />Dyshohet se disa persona kanë përdorur mjete të forta për të hapur arkën në cepin e jashtëm të kishës por nuk kanë arritur ta vjedhin atë për shkak se ishte pozicionuar brenda një pjese muri ndërsa hapja ishte nga brenda kishës.<br /><br />Grabitësit duket se kanë pasur si synim të vjedhin lekët të cilat hidheshin nga besimtarët gjatë ditës, por nuk kanë mundur ta finalizojnë qëllimin e tyre dhe janë larguar duke lënë kështu të dëmtuar këtë pjesë të objektit të kultit, që ndodhej në pjesën e jashtme të rrethimit të kishës.<br /><br />Ndërkaq policia ka nisur hetimet për rastin, por ende nuk ka asnjë autor të dyshuar lidhur me këtë ngjarje. Ky nuk është rasti i parë kur objektet e kultit bien pre e grabitësve dhe në shumicën e rasteve edhe pse dëmet janë të mëdha, autorët kanë mbetur të paidentifikuar.<br /><br />Për më shumë lexoni në:<br />http://oranews.tv/article/korce-grabitesit-tentojne-te-vjedhin-leket-e-kishes
