Saimir Tahiri nuk pajtohet me masën e bllokimit të pasaportës vendosur nga Gjykata e Shkallës së Parë për Krimet e Rënda. Me anë të avokatit Maks Haxhiaj, ish-ministri i është drejtuar gjykatës së apelit për shfuqizuar vendimin. Sipas mbrojtësit, gjykatësja Liljana Baku nuk e marrë masën bazuar në prova të reja, por mbi dosjen e sjellë nga prokuroria italiane për çështjen ?Habilaj?.<br /><br />Në ankimim sqarohet se Tahiri nuk ka rrezik largimi jashtë vendit dhe as të prishë provat. Pritet që gjatë javës së ardhshme gjykata të marrë në shqyrtim kërkesën e deputetit.<br /><br />Saimir Tahiri u paraqit në Gjykatën e Krimeve të Rënda ditën e premte, ku u dëgjuan pretendimet e tij mbi këtë çështje. Pavarësisht kundërshtimit, gjykata vendosi të lërë në fuqi vendimin e saj për t'i ndaluar daljen jashtë vendit.<br /><br />Ish-ministri i Brendshëm, Saimir Tahiri akuzohet nga Prokuroria e Krimeve të Rënda për akuzat e trafikut të lëndëve narkotike, në kuadër të grupit të strukturuar kriminal dhe korrupsion të zyrtarëve të lartë.<br /><br />Prokuroria pretendon se në përgjimet e dosjes italiane përmendet emri i Saimir Tahiri, i cili dyshohet se ka ndihmuar grupin e "Habilajve", në kultivimin dhe trafikun e kanabisit. Gjithashtu ai ka marrë nga ata pagesa dhe dhurata të ndryshme të cilat janë përmendur në biseda mes trafikantëve.
