Subscribe në Ora News këtu http://bit.ly/1s5j7UT<br /><br />Përplasje, deklarata politike, ndërsa në sfond dëgjohet cdo zhvillim brenda sallës së parlamentit. Në këto kushte është zhvilluar protesta e sotme e opozitës, ku herë pas here nuk munguan përplasjet me efektivët e policisë për të thyer kordonin e tyre me qëllim hyrjen në sallën e parlamentit, kohë në të cilën po niste procedura për të votuar prokurorin e përgjithshëm.<br /><br />Banderola, flamuj, pankarta tymuese u hodhën në drejtim të policisë, teksa protestuesuesit motivoheshin nga thirrjet e liderëve politik.<br /><br />Shtimi i kordonëve të policisë, aktivizimi i repartit Shqiponja ishin disa nga masat e shtuara të uniformave blu për të përballuar situatën.<br /><br />Respektuan pikë për pikë skenarin, sipas të cilës deputetët e opozitës u koordinuan mes qëndrimit të tyre në parlament dhe jashtë duke folur për simpatizantët. Me thirrje të njëjta se vendi i protestuesve është një parlament, për të mos lejuar votimin e kryeprokurorit të emëruar nga Rama.<br /><br />Deputetë dhe drejtuesit e opozitës mbajtën protestuesit të karikuar kur në sallë u zhvillua votimi.<br /><br />Paloka: Të rikthehet menjëherë diktatura, për më tepër për një palaco si Edi Rama.<br /><br />Pas votimit, kryetari Lulzim Basha iu drejtua qytetarëve se nuk do të pranonin prokuror të Habilajt, Balilajt dhe të narkotrafikatëve, sic tha ai, ndërsa e konsideroi protestën nisjen e kryengritjes popullore në mbrojtje të kushtetuës.<br /><br />Basha: Populli shqiptar dhe opozita shqiptare nuk do ta tolerojë dhe as nuk do ta fali se ky është fillimi i kryengritjes popullore në mbrojtje të kushtetutës, drejtësisë së pavarur që do pastrojë politikën nga krimi.<br /><br />Znj. Kryemadhi tha se opozita nuk do të lejojë rivanshin e një kryeministri që me gjakun e grave kërkon të vërë në kontroll institucionet.<br /><br />Kryemadhi: Sot Edi Rama përdori vëllezërit dhe motrat tanë, të veshur me uniformat e policisë për të goditur vajzat dhe gratë shqiptare. Ai nuk ka parë gjë akoma.<br /><br />Nga telat me gjemba, snajper, fikëset e zjarrit; skafandra; efektivët e policisës qëndruan në gatishmëri dhe rrethuan parlamentin.<br /><br />Protestuesit u shpërndanë, pasi përfunduan fjalimet krerët e opozitës. Ndërsa vijoi puna për çmontimin e podiumeve dhe pastrimin e hapësira në rrugën George W Bush.<br /><br />Për më shumë lexoni në: http://oranews.tv/article/tension-perpara-parlamentit
