Subscribe në Ora News këtu http://bit.ly/1s5j7UT<br /><br />Ngricat pas reshjeve të dëborës që kanë përfshirë vendin janë rreziku më i madh për drejtuesit e mjeteve të cilëve u kërkohet kujdes i vecantë dhe informim për situatën e rrugëve ku do të udhëtojnë! Reshjet e dëborës kanë shkaktuar kështu vështirësitë e para nga jugu në veri, ku Qafë Thora mbetet e bllokuar duke izoluar banorët e Thethit.<br /><br />Reshjet e dëborës vështirësuan qarkullimin e mjeteve në Qafën e Llogarasë. Trashësia e dëborës arrin deri në 20 cm dhe lëvizja e mjeteve bëhet vetëm me zinxhirë.<br /><br />Rruga ishte e bllokuar gjatë orëve të natës dhe lëvizja në këtë aks nisi vetëm pas ndërhyrjes së firmës nënkontraktore që hodhi kripë e skorje.<br /><br />Gjatë orëve të mbremjes së të hënës, dëbora nisi edhe në qytetin e Korcës.<br /><br />Në mëngjesin e së martës u shfaqën vështirësi momentale në disa rrugë, por të gjithë janë të kalueshme.<br /><br />Në Dardhë, dëbora ka arritur deri në 15 cm, ndërsa në Voskopojë deri në 10 cm. Drejt ketyre zonave malore në disa pjesë kërkohet përdorimi i zinxhirëve. Por problemi më i madh tashmë janë ngricat në rrugë pas uljes së ndjeshme të temperaturave<br /><br />Borë në male e akull në rrugë ka edhe në qarkun e Dibrës.<br /><br />Drejt zonave Rurale Ostren, Trebisht e Krastë udhëtohet vetëm me zinxhirë, pasi trashësia e dëborës arrin disa cm. Në rrugët nacionale Peshkopi Bulqizë ? Klos, Burrel nuk ka probleme. Policia e Dibrës ndërkohë ka shtuar forcat e shërbimit në akset rrugore opër tu ardhur në ndihmë drejtuesve të mjeteve .<br /><br />Në efektin e temperaturave të ulta e reshjeve të dëborës mbetet edhe qarku i Kukësit.<br /><br />Lartësia e borës varion në akset rrugore nga 3 cm deri në 15 cm në rajonin e Tunelit Kalimash dhe 10 cm në Valbonë.<br /><br />Aktualisht të gjitha akset rrugore që përshkojnë Qarkun e Kukësit janë të qarkullueshme pa zinxhirë. Në të gjithë qarkun janë vënë në punë 14 borëpastruese 3 fadromë, për mbajtjen në gadishmëri të këtyre akseve. Ndërkohë në Tropojë vijojnë kërkimet për të gjetur trupin e Gentian Bajram Zallin i cili dyshohet se është veteflijuar duke u hedur në lum pasi pak ditë më parë iu dogj banesa në Tropojë<br /><br />Në qarkun e Shkodrës mbetet e bllokuar Qafë Thora ku trashësia e dëborës arrin në 50 cm. Në zonat e tjera malore të Malësisë së Madhe, dëbora arrin deri në 15 cm, por rrugët janë të kalueshme. Reshje debore ka edhe në pukë por nuk raportohen problematika.<br /><br />Për më shumë lexoni në:<br />http://oranews.tv/article/kujdes-ngrijne-rruget-reshjet-e-bores-veshtiresojne-qarkullimin-ne-disa-akse
