Pas trazirave të shkaktuara në Parlament nga zgjedhja e Kryeprokurores, edhe në studion e "Arena", mbrëmjen e të mërkurës nuk munguan debatet midis deputetit Tritan Shehu dhe Alket Hyseni. <br /><br />Ndërkohë deputeti demokrat Shehu tha për moderatorin Dritan Hila, se opozita mund të dorëzojë edhe mandatet, duke paralajmëruar protesta të tjera. <br /><br />Juristi Sokol Hazizaj tha se Prokurorja e Përkohshme Arta Marku do të ketë kompetenca të reduktuara dhe se pritet të rrijë për një kohë të shkurtër.<br /><br />Eksperti i politikës së jashtme, Agim Nesho e quajti të pavend protagonizmin e ambasadorëve.
