http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Informaliteti në sektorin e ujësjellës-kanalizimeve arrin në nivele alarmante. Mbi 100 mijë abonentë dyshohet se përdorin ujin e pijshëm, por nuk kanë kontratë dhe për rrjedhje nuk paguajnë asnjë lek.<br /><br /> <br /><br />Për pasojë, reforma në këtë sektor konsiderohet jetike për të rikthyer formalizimin.<br /><br /> <br /><br />Ministri i Infrastrukturës Damian Gjiknuri ka urdhëruar të gjithë drejtoritë e ujësjellësve që të marrin masa me qëllim zbatimin e etapave të kësaj reforme.<br /><br /> <br /><br />Faza e parë e cila zgjat deri më datën 1 shkurt 2018 do të jetë koha e sensibilizimit të qytetarëve: do të pritet që abonentët të aplikojnë për të lidhur kontratën.<br /><br /> <br /><br />Ndërsa më pas stafet e drejtorive do të dalin në terren për të verifikuar situatën.<br /><br /> <br /><br />Ministri i kërkon drejtorive që të bëjnë analizën e kostove dhe të rishikojnë tarifat për lidhjet e reja, me qëllim nxitjen e abonentëve për të paguar.<br /><br /> <br /><br />Vartësit këshillohen të mobilizojnë gjithë burimet e tyre në ujësjellës, si dhe të analizojnë situatën në rast se do të nevojiten ndihmë nga qeveria qendrore.<br /><br /> <br /><br />Edhe kryeministri Rama ka kërkuar që të verifikohen të gjithë punonjësit e administratës publike lidhur me pagesat e ujit të pijshëm. Sipas të dhënave, aktualisht vetëm një në tre litra ujë faturohet dhe paguhet.
