Subscribe në Ora News këtu http://bit.ly/1s5j7UT<br /><br />Banorë të Valbonës dhe Shoqëria Civile marshuan në një protestës që nisi dje pasdite dhe që ka vijuar përgjatë gjithë natës para parlamentit e ka përfunduar në dyert e Kryeministrisë. Në nismën "Mos ma prek Valbonën" banorët thonë se ndërhyrja për ndërtimin e HEC-eve është shkatërrimtare për turizmin dhe ekosistemet në Luginë. Çështja është në shqyrtim aktualisht në Gjykatën e Apelit.<br /><br />Pasi kanë kaluar natën përjashta, protestuesit zgjodhën ti drejtohen edhe një herë ligjvënësve shqiptarë të mos i lejojnë vijimet e punimeve për ndërtimin e HEC-eve përgjatë Luginës së Valbonës.<br /><br />Nën moton "Mos ma prek Valbonën" dhe me pankarta në duar ata i bënë thirje qeverisë dhe deputetëve të mbajnë përgjegjësi për një akt që mbështetet mbi dokumente të falsifikuara.<br /><br />Nga Parlamenti ku qëndruan përgjatë gjithë natës së ftohtë, protestuesit marshuan drejt Monumentit të Pavarësisë, në parkun 'Rinia' duke kërkuar largimin e kompanive të ndërtimit nga Lugina e Valbonës.<br /><br />Catherine Bohn që jeton dhe punon në Valbonë por që nuk ka munguar në një përpjekjepër të ndalur ndërtimin e HEC-eve i bëri thirje qeverisë t'i shërbejë interesit publik dhe jo interesit të biznesit privat.<br /><br />Për më shumë lexoni në: http://oranews.tv/article/mos-ma-prek-valbonen-banoret-mbyllin-protesten-me-kerkesen-anullimin-e-projektit
