Facebook: https://www.facebook.com/tvklan Talk-show LIVE nga Ardit Gjebrea ne KLANHD & TVKLAN<br /><br />Zonja Leni ka ardhur në "E Diela Shqiptare" në rubrikën "Ka një mesazh për ty" për t'i dhënë një mesazh djalit të saj të madh.<br /><br />Leni është nga Lushnja dhe ka tre fëmijë të cilët jetojnë në Greqi, ku edhe punojnë. Para një viti, Lenit i ka vdekur i shoqi dhe tani jeton vetëm. Për shkak se bashkëshorti ishte oficer, ata detyroheshin që shpesh të zhvendoseshin nga një qytet në tjetrin. Në Vlorë, Adi, djali i madh i familjes, regjistrohet në një shkollë të mesme për trompë, por profesorët e patën vlerësuar shumë, për shkak se këndonte bukur. Në moshën 19-vjeçare, Adi shkoi në Greqi, ku edhe punonte, por edhe ndiqte pasionin e tij për këngën.<br /><br />"Në Dhjetor të 2006-s u bë një koncert, që ishin zërat e rinj të Europës. Mori pjesë edhe Adi. E merr në telefon të atin se ky nuk kishte ardhur, kishte katër, pesë vjet që nuk kishte ardhur në Shqipëri. I thotë të atit që dua një këngë shqiptare që të ma dërgosh ti".<br /><br />Bashkëshorti i Lenit i dërgoi një disk me këngët e Ardit Gjebreas dhe Adi zgjodhi për të kënduar "Kur braktis atë që do". Edhe pse i pambështetur nga ambasada shqiptare dhe media, Adi doli shumë mirë në këtë koncert.<br /><br />"Doli shumë mirë zuri vend të parë".<br /><br />Por sipas Lenit, Adi nuk ka pasur shumë fat në jetë. Ai u martua me një greke, me të cilën më pas u nda. Përveç kësaj është detyruar të rrisë vajzën i vetëm.<br /><br />"Vajzën pesë vjeçe e ka rritur vetë. Sot është 17 vjeçe. Edhe ka pasur shumë halle dhe nuk mundi të vazhdonte. Është martuar sërish."<br /><br />Fillimisht, Adi ka punuar në Teatrin e Operas në Athinë, por për shkak të krizës ekonomike u detyrua të punojë çdo lloj pune të mundshme që të rriste vajzën dhe të mbante familjen. Ai detyrohej të këndonte në punë tashmë, për shkak se nuk e kishte mundësinë të këndonte në skenë.<br /><br />Edhe zonja Leni së bashku me bashkëshortin kishin qenë në Greqi për pesë vite, por ishin kthyer sërish, kësaj here në Lushnje, ku u sëmur edhe burri i Lenit. Adi i ndihmonte herë pas here me para.<br /><br />"Adi nuk kishte ditë, në tetë vjet, ku të mos binte 200 - 250 euro babait. I binte dhe ilaçet. Punonte natë e ditë për të atin. I ati e ka pasur shumë peng. Më thoshte çoje njëherë te Adit që ta dëgjoj në një skenë të madhe. Mirëpo, unë nuk e lija se ai ishte i paralizuar. Pas një viti e gjysmë vendosa të vij, të çoj amanetin në vend".<br /><br />Adi pranoi ftesën e "Kam një mesazh për ty" dhe ndodhet në studion e "E Diela Shqiptare".<br /><br />Arditi - Sa vite keni që jeni në Athinë dhe jetoni atje?<br /><br />Adi - Kam gati 27 vjet.<br /><br />Arditi - Çfarë bëre në Greqi?<br /><br />Adi - Vazhdova studimet dhe njëherë nga e para se nuk na njiheshe fare shkolla e mesme.<br /><br />Arditi - Ndërkohë që studioje si ia bëje për të jetuar?<br /><br />Adi - Punoja nga lloj - lloj punësh që nuk mund ta marrë mendja fare. Çohesha në mëngjes shkarkoja një furgon me thasë. Pastaj punoja nga ora 8 e mëngjesit deri në 4 e pasdites prapë shkarkoja thasë në një magazinë. Kështu ishin punët atëherë, nuk bëje dot gjë tjetë...
