Këtë Krishtlindje në Katedralen Ortodokse Autoqefale politikanët kanë pasur edhe një motiv më shumë për të uruar pas dhënies nga Presidenti i Republikës i nënshtetësisë shqiptare kreut të kësaj kishe, hirësisë së tij kryepeshkopit Janullatos.<br /><br />Presidenti vlerëson kontributin e Janullatosit dhe thotë se ishte mëse i merituar ky vendim, edhe pse i vonuar.<br /><br />Urimin për Krishtlindjet dhe marrjen e nënshtetësisë, kreu i kishës Ortodokse e mori dhe nga kryeparlamentari Gramoz Ruçi.<br /><br />Edhe kreu i grupit kuvendor socialist e vlerëson si të vonuar dhe plotësisht të drejtë vendimin e Presidentit Meta.<br /><br />Kreu i Bashkisë së Tiranës Veliaj veç urimit për krereët e kishës, në këtë ditë Krishtlindje urime ka dhe për qytetarët e Tiranës, ndërsa nuk harron të bëjë dhe premtime për projekte të reja transformuese për kryeqytetin.<br /><br />Kryeministri dhe kryedemokratik, që të dy jashtë Shqipërisë në këtë ditë, kanë uruar shqiptarët për Krishtlindjet përmes rrjeteve sociale.
