Subscribe në Ora News këtu http://bit.ly/1s5j7UT<br /><br />Mbi 11 mijë turistë nga e gjithë bota po festojnë në Shqipëri, Krishtlindjen. Të dhënat bëhen të ditura nga Policia e Shtetit e cila thotë se në 48 orët e fundit nga të gjitha pikat kufitare në vendin tonë kanë hyrë afro 110 mijë shqiptarë e të huaj.<br /><br />11346 shtetas të huaj kanë zgjedhur të kalojnë festën e Krishtlindjes në Shqipëri. Ata kanë hyrë në vendin tonë përmes nga toka, deti e ajri vetëm 48 orët e fundit, të organizuar në grupe dhe shoqata, me destinacione të ndryshme në vendin tonë.<br /><br />Në total në vigjilje të Krishtlindjes, sipas policisë së shtetit kanë hyrë 109 598 shtetas shqiptarë dhe të huaj, ndërsa daljet llogariten në 69 476 persona.<br /><br />HYRJET-DALJET<br /><br />Në hyrje 109 598 shqiptarë e të huaj<br /><br />Në dalje 69 476 shqiptarë e të huaj<br /><br />Turistë në hyrje 11346 persona<br /><br />Pjesa më e madhe janë emigrantë që kthehen për festat e fundvitit nga vendet që jetojnë e punojnë në vendet e Bashkimit Europian.<br /><br />Dita e Krishtlindjes shënoi fluksin më të lartë të hyrjeve nga porti i Durrësit me mbi 3900 persona me 1400 mjete.<br /><br />Pranë pikës kufitare të Durrësit funksionojnë 19 sportele dhe pasagjerët nuk patën ankesat për palën shqiptare, por kritika për atë italiane nga ku u nisën.<br /><br />Fluksi i lartë raportohet edhe në pikat kufitare tokësore, me Greqinë, Maqedoninë, Kosovën e Malin e Zi, por ndryshe nga e shtuna, nuk ka radhë. Në Kakavijë, në 24 orët e fundit kanë hyrë mbi 7000 persona.<br /><br />Shtetas shqiptar në hyrjë 7042<br /><br />Shtetas shqiptarë në dalje 3213<br /><br />Shtetas të huaj në hyrje 947<br /><br />Shtetas të huaj në dalje 606<br /><br />Për më shumë lexoni në: http://oranews.tv/article/fluksi-festat-shtohen-sportelet-ne-pikat-e-kalimit-kufitar
